На фестывалі A-Fest у Лошыцкім парку на плошчы ў сто гектараў разгарнулася самая маштабная рэканструкцыя Мінска XIX стагоддзя. Усіх наведвальнікаў чакалі больш за 20 пляцовак для актыўных забаў, мікс з еўрапейскай і беларускай кухні, а таксама 10 гадзін самай рознай музыкі.

На час фестывалю частка парку ператварылася ў музей пад адкрытым небам - сюды прыехалі экспанаты з адзінага ў Беларусі музея піваварэння "Аліварыя", а экскурсаводам стаў піўны самелье. Ён не толькі распавядаў пра самыя цікавыя экспанаты, але і індывідуальна падбіраў гатункі для ўсіх гасцей фестывалю.

«Сёння спаўняецца наша мара: мы даўно хацелі правесці фестываль у Мінску ў такім фармаце, - кажа Дзяніс Шарсценнікаў, генеральны дырэктар кампаніі «Аліварыя». - На A-Fest мы сумясцілі тры вельмі важныя кампаненты: наша любімае і вельмі якаснае піва «Аліварыя», цудоўную музыку і шмат смачнай ежы. Пры стварэнні нашага фестывалю мы абапіраліся на лепшы замежны вопыт, але ў той жа час хацелі зрабіць менавіта беларускі фестываль еўрапейскага ўзроўню. Нам хацелася паказаць, што такі від адпачынку падыходзіць Мінску. Да таго ж, вопыт правядзення падобных вялікіх мерапрыемстваў на фан-зоне «Аліварыя» паказаў патрэбу і гатоўнасць гараджан да такога фармату».

Галоўным героем A-Fest стаў граф Чапскі - адзін з самых вядомых наватараў і півавараў Мінска. Па падліках арганізатараў, амаль 70% наведвальнікаў-мужчын прыйшлі на A-Fest з бародамі або вусамі, аддаючы даніну стылю знакамітага графа і адначасова модзе XXI стагоддзя.

На фестывалі ўпершыню ў Беларусі прайшло барбер-шоу пад адкрытым небам, на якім модныя барберы не толькі біліся ў майстэрстве, але і бясплатна пастрыглі ўсіх жадаючых гасцей свята.

«У рамках А-Fest, калі гэта стане традыцыяй, можна арганізаваць вельмі класную пляцоўку з яшчэ большай колькасцю ўдзельнікаў. Бо арганізацыя фестывалю прайшла на вельмі высокім узроўні, ды і ўсе прадстаўленыя працы таксама былі вельмі годнымі, - распавядае стыліст Анатоль Лазараў, які стаў адным іх суддзяў на барбер-шоў. - Тэма стрыжак і кладак барод і вусоў ад барбера досыць новая - гэтыя традыцыі былі згублены. Я думаю, што з дапамогай такіх фестываляў мы можам папулярызаваць гэтую культуру. І ў таго зерня, якое заклалі сёння, будзе магчымасць вырасці да вялізнага дрэва».

Пасля барбер-шоу на A-Fest прайшоў парад барадачоў і вусачоў. Больш за сотню самых стыльных гараджан прадэманстравалі свае бароды і вусы, а узначаліў шэсце двайнік самога графа Чапскага, якога абралі непасрэдна на фестывалі.

І, вядома, які фестываль без музыкі? На A-Fest сабраліся самыя розныя беларускія музыкі: Ё-гурт і Ганна Шалюціна, Domino, Discowоx, Navi і лідары беларускага року - гурт J: МОРС. Хэдлайнерам мерапрыемства сталі заўсёднікі еўрапейскіх фэстаў - латвійскі гурт Brainstorm. Яны сабралі каля музычнай сцэны дзясяткі тысяч чалавек.

«Нам вельмі прыемна быць сёння ў Мінску, на фестывалі A-Fest. Было выдатна! Фестываль вельмі добра арганізаваны - усё зроблена на еўрапейскім, не, нават на сусветным узроўні, - кажа лідар гурта Рэнарс Кауперс. - Мы ў Мінску ніколі да гэтага не выступалі на фестывалі. І тут сёння было шмат розных людзей, якія нас вельмі цёпла прымалі. А атмасфера, калі ты спяваеш на фэсце пад адкрытым небам, пад зоркамі - заўсёды асаблівая і вельмі рамантычная».

На A-Fest арганізатары таксама сумясцілі сучаснасць і гісторыю. Усе госці змаглі пабываць у кафэ 1864 года або з'есці бургер проста на траве, пагуляць у петанк, мястэчкі або сучасную "Мазгабойню", а таксама параўнаць моду XIX стагоддзя і стыльныя бароды XXI стагоддзя.