Граф быў не толькі прадпрымальнікам, актыўным грамадскім дзеячам і ініцыятыўным чалавекам: ён быў яшчэ і піваварам, які па старадаўніх еўрапейскіх рэцэптах варыў у Мінску якаснае піва. На шчасце, да нашых дзён захаваўся бровар, на якім вырабляўся той самы напой, а брэнд “Аліварыя” стаў працягам найлепшых традыцый піваварэння. Піва на прадпрыемстве варыцца па тых запаветах, якія пакінуў нашчадкам Чапскі.

Унёсак знакамітага граданачальніка ў развіццё беларускага піваварэння проста абавязвае задумацца пра тое, каб заснаваць свята ў яго гонар. І свята гэтае павінна быць звязанае не толькі с самім Чапскім, але і напоем, які дагэтуль вырабляецца на яго бровары.

13 жніўня рэалізацыю гэтай ідэі абмеркавалі менеджар па карпаратыўных камунікацыях ААТ «Піўзавод Аліварыя» Ала Мачалава, кіраўнік Нацыянальнага агенцтва па турызме Рыгор Памяранцаў, экскурсавод і знаўца Мінска Віктар Корбут, а таксама знакамітыя журналісты і блогеры. Прадстаўнікі бровару “Аліварыя”, які арганізаваў юбілейныя мерапрыемствы сёлета, запрасілі ўсіх на нефармальную сустрэчу за келіхам піва ў... трамвай. Бо менавіта пры Чапскім у Мінску ўпершыню з'явілася конка і многія іншыя дасягненні гарадской цывізацыі.

“Чапскі — гэта персанаж, які аб'ядноўвае самых розных людзей, моцная, энергічная, цікавая фігура. Дзень Чапскага сёлета — упэўнены крок у накірунку таго, каб сфарміраваць новую традыцыю свята. МІнск сёння — вельмі жывы? дынамічны горад , які да гэтага гатовы. тут шмат ініцыятыў, цікавых людзей, і Мінску сапраўды ёсць чым ганарыцца”, — адзначыла Ала Мачалава падчас “трамвайнай дыскусіі”.

Абмеркаванне Дня Чапскага не замыкалася толькі на запрошаных спікерах. Кожны ўдзельнік, журналіст, блогер, выказалі сваё меркаванне на гэты конт. Дарэчнасць і актуальнасць фігуры Чапскага як гарадскога сімвала ні ў кога не выклікала сумненняў:

“Чапскі сапраўды любімы персанаж усёй нашай рэдакацыі. Мяне прыцягвае ў ім захапленне інавацыямі. Важная якасць для той пары. Гэта і цяпер дарэчна”, — кажа Яся Каралевіч-Картэль, рэдактар часопіса пра Мінск Citydog.by. Магчымых фарматаў, стратэгій і тактык Дня Чапскага было прапанавана мноства, у цэлым парадавала адмова ад пражэкцёрства і імкненне зрабіць фармат рабочым:

“Патрэбны самыя простыя, не сказаць — прымітыўныя, хады. Яны працуюць!” — кажа Ганна Ядлоўская, суполка “Другой Минск”.

Дарэчы, “трамвай Чапскага” курсіраваў увесь святочны дзень – 15 жніўня па 10-м маршруце (пр. Незалежнасці — ДС “Возера”). У гэтым своеасаблівым музеі мінчанам і іншым пасажырам распавялі пра заслугі Чапскага і месцы, якія з ім звязаныя.

Бясплатна адкрыў свае дзверы для ўсіх цікаўных, якія дасягнулі 18 гадоў, адзіны ў Беларусі Музей піваварэння (вуліца Кісялёва, 30). Больш за 100 гадоў таму граф Чапскі арганізаваў тут перадавое на той момант прадпрыемства, якое паспяхова працуе і сёння. З 12:00 да 16:00 — вольнае наведванне выставачнай залы, з 16:00 да 20:00 — экскурсіі «Шлях Чапскага» раз у гадзіну па папярэднім запісе, які вядзецца праз онлайн-форму на сайце alivaria.by, а таксама па тэлефоне +375 29 500 17 55. Усе наведнікі атрымалі прыемныя сюрпрызы і змаглі прадэгусціраваць самы тытулаваны гатунак – «Аліварыя Залатое».

Таксама каля 10 мінскіх бараў далучыліся да святкавання Дня Чапскага, і іх наведнікі паднялі келіх піва ўпрыкуску з чапсамі ў гонар праслаўленага мэра.

У гэтым свяце злучылася пазнавальнае і забаўляльнае, энтузіязм мясцовага бізнэсу і падтрымка гарадскіх ініцыятыў. Ініцыятары Дня Чапскага лічуць, што Мінск, як любая сталіца, якая актыўна развіваецца, мае патрэбу ў яркіх падзеях, якія звязаны з гарадской гісторыяй і пры гэтым маюць актуальны забаўляльны фармат. Субота 15 жніўня, паводле задумы, павінна стаць першым Днём Чапскага і першым крокам на шляху да стварэння новай традыцыі.

“Сапраўды, Мінску не хапае такіх ініцыятыў, як Дзень Чапскага. Гістарычныя факты і міфалогія горада — гэта тое, што можа ствараць традыцыю. У Латвіі цяпер кажуць, што добра для рыжаніна — добра для турыста. Мы можам перафразаваць: што добра для мінчаніна – добра для турыста. Мы павінны зрабіць Дзень Чапскага перш за ўсё святам для сябе, тады і людзі з іншых краін прыедуць паглядзець”, — падагульніў на сустрэчы Рыгор Памяранцаў.